ساؤتھمپٹن میں بارش، پاکستان کے انڈور ٹریننگ سیشن کا امکان

انگلینڈ کے خلاف تیسرے ٹیسٹ کی تیاریوں کے لئے پاکستان کرکٹ ٹیم کا ٹریننگ سیشن آج سے شروع ہوگا، ساؤتھمپٹن میں وقفے وقفے سے بارش کا سلسلہ جاری ہے جس کے سبب ٹریننگ سیشن متاثر ہونے کا امکان ہے۔

پاکستان کرکٹ ٹیم ایک دن کے آرام کے بعد آج سے پھر میدان کا رخ کر رہی ہے، ٹیم صبح کے سیشن میں 10 بجے ٹریننگ کرے گی، بیٹنگ بولنگ کے ساتھ ساتھ فیلڈنگ اور فزیکل ڈرزلز بھی کی جائے گی۔

ساؤتھمپٹن میں آج دن بھر بارش جاری رہنے کی پیشگوئی ہے، جس کی وجہ سے ٹیم گراؤنڈ میں ٹریننگ نہیں کرسکے گی بلکہ انڈور ٹریننگ سیشن کرے گی۔

پاکستان اور انگلینڈ کے درمیان سیریز کا تیسرا ٹیسٹ میچ 21 اگست سے شروع ہوگا، امکان ہے کہ جمعے کے روز بارش ہوسکتی ہے۔

وواضح رہے کہ سیریز کا دوسرا ٹیسٹ میچ بارش کے باعث ڈرا ہوگیا تھا ، جبکہ سیریز میں انگلینڈ کو ایک صفر کی برتری حاصل ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے